الحرب السيبيرانية السيكولوجية الممنهجة على المغرب

• مايروج حاليا في وسائل التواصل الإجتماعية كايبين باللي كاينين محاولات ممنهجة لضرب الإستقرار ديال بلادنا “المغرب” من خلال الحرب السيبيرانية السيكولوجية باش أنها تأثر على السلوك – الأراء – المعتقدات ديال الأفراد أو الشعب المغربي باش يخلقو صراعات داخلية.
  هاد الحرب ما فيهاش دبابات ولا رصاص… فيها أخبار كاذبة – إشاعات – فبركة – تلاعب بالعقول – وتأثير على الوعي الجماعي.
  {+} كمثال :
  – الڤيديوهات اللي تنتاشرو مؤخرا ديال الكريساج بكثرة، كاينين فيهم اللي قدام وكايعاودو إتبارتاجاو واللي من دول آخرين باش إشككو الشعب في الأمن.
  – البوتات اللي كايكومونطيو وإنشرو إشاعات في الكومنتيرات باش إخلقو البلبالة وإتبنى الشعب نفس التفكير “كيف تقدرو تلقاو في هاد البوسط نيت فاش إنتاشر”…
  – زيدو عليها البلاغ الكاذب اللي تخشى وسط البلاغ ديال المديرية العامة لأمن نظم المعلومات DGSSI على ثغرة الواتساب وخشاو فيه أن المديرية قالت للمغاربة إحبسو خاصية الدفع عبر الأنترنيت في البطائق الإئتمانية لأن الأبناك تعرضو للإختراق.
  {+} ماذا يقع في هذه الحروب السيبيرانية السيكولوجية بالظبط
  ▪نشر المعلومات المضللة “Disinformation” :
  كيتم نشر أخبار كاذبة أو محرفة باش يزرعو الفتنة، يشككو الناس في الحكومات، ولا يخلقو صراعات

داخلية.
مثلا : كايقدرو ينشرو إشاعات على أزمة إقتصادية أو صحية باش يخلقو الرعب.
▪الحملات الدعائية السيبيرانية “Cyber Propaganda” :
بحال الحملات اللي كاتديرها بعض الدول باش توصل رسالة معينة لجمهور خارجي أو داخلي، بإستخدام البوتات والحسابات المزورة باش يدعمو توجه معين.
▪الهجمات على الثقة ” Attacks on Trust” :
كايحاولو يضربو الثقة بين المواطن والدولة أو بين الناس وبعضهم.
مثلا : يختارقو مواقع حكومية ويخليو فيها رسائل تخويفية، أو يسربو وثائق (صحاح أو مفبركين) ”
▪التلاعب بالرأي العام “Opinion Manipulation” :
كايستخدمو الذكاء الإصطناعي والبوتات باش يهاجمو شخصيات عامة، أو يروجو لحملات كاذبة، وغالبا كايستهدفو الإنتخابات ولا الأزمات السياسية.
▪الهجمات على الأفراد “Targeted Psychological Ops” :
بحال الإبتزاز الإلكتروني، فين كايسرقو صور أو معلومات شخصية ويهددو بيها الضحية نفسيا، أو كايحاولو يعزلوه ويشعروه بالخوف.
الهدف واضح ألا وهو يضعفوك نفسيا، يخلقو الفوضى، ويضربو الوحدة ديال المغاربة.
{+} غادي تسولني كيفاش نحضي راسي 🤔
▪فكر قبل ما تيق شي حاجة : ماشي كلشي كاتشوفو صحيح، التحقق من المصادر واجب.
▪ماتشاركش الأخبار بلا ما تتأكد : راك كتولي طرف من الحرب وأنت ما عارفش.
▪راقب العواطف ديالك : إذا حسيتي بالغضب – الخوف أولا الكره من شي بوست… وقف، راهم باغين يوصلوك لهناك.
▪تابع المصادر الرسمية : خليك مع الإعلام المهني وماشي مع صفحات ما معروفة غير بالفتنة.
▪علم غيرك : وصل الرسالة للعائلة – الأصدقاء… باش نواجهو هاد الحرب كاملين.
الحرب السيبيرانية السيكولوجية ماشي غير هاك وهجمات، بل كاتدخل لدماغك بلا ما تحس، وتبدى كاتحركك وأنت ما واعيش، وهاد الشي خطير حيث كايأثر على المجتمعات كاملة، ويقدر يخلق أزمات بلا ما تطلق قرطاسة وحدة.
الحرب دابا ولات رقمية ونفسية، ولكن المغاربة ديما خاصهم إبقاو واعين وواقفبن ليها، لهذا حضي راسك لا تكون سلاح ضد بلادك بلا ما تحس.
تحليل متواضع للمرحلة من طرف خبير امني